13 marzo 2008

L'ultin Alc&Cè

Sabide ai 23 di Fevrâr, cu la Vite Catoliche, in regâl il gnûf numar di Alc&cè, il gjornalut par fruts dut in marilenghe, realizât cul contribût de Direzion centrâl Istruzion, culture, sport e pâs de Regjon Friûl-Vignesie Julie.
Chest colp si fevele di inovazion, dal Friûl come tiere di inventôrs. A tornin i Gnognosaurs, Sclisignûf e Alan l’acuilot nostran cu lis lôr aventuris divertentis a fumets; i zûcs, par divertîsi imparant la lenghe, e la conte, ispirade a une storie di Dolfo Zorzut. E po tantis ideis pal timp libar. Lis bielecis artistichis e naturâls di Grau a son ae puartade dai fruts che a decidaran di provâ l’itinerari in biciclete conseât, mentri «Il cjantonut dal fâ» al insegne a realizâ un tambûr cu la sô bachete.
Par sugjeriments e curiositâts sul gjornalut, si pues scrivi une e-mail a Erika Adami, coordenadore de riviste, ae direzion: adami@lavitacattolica.it

Par discjamâ il pfd, ancje dai numars passâts: fracait chi

Nessun commento: