21 novembre 2007

Consei comunâl e gnûf cjâfgrup

Lunis che al ven al sarà consei comunâl. Nol è inmò stât convocât, ma aromai si trate dome di definî la ore.
La cuestion politiche plui interessante e sarà la presentazion dal gnûf cjâfgrup di Forza Italia, ancje se no sai fint cuant che si doprarà chest non...
Stant che Gaggiano al à dit che lui al à fat il grup di An, lui al fasarà il cjâfgrup di se ste e duncje la sielte par Forza Italia il cercli si strenç...

ps: dopo che o ai fat il post, ve ca la convocazion...

7 commenti:

Renzo Tondo ha detto...

però.... dis ce chi tu vuus, ma cjafgrup a sune propit maal

thermonuke ha detto...

satu alc di plui sul pont 5a?

Christian Romanini ha detto...

I ten a segnalâ che ai 12 di Otubar (plui di un mês indaûr) o vevi presentât une propueste di ordin dal dì che e je stade ignorade e no je stade metude te liste dal ordin dal dì: si fevelave di comunitât montane dal Cjars.

Christian Romanini ha detto...

Ve ca il test dal ordin dal dì che nol è stât inserît e no sai il parcè...

Christian Romanini ha detto...

Ordin dal Dì

Il Consei Comunâl di Maian

Cjapât at che la II^ Comission permanente dal Consei Regjonâl dal F-VJ e à di resint fat bon un ddl che al definìs “Normis pal disvilup e la valorizazion dal teritori di mont” li che, tra l'altri, si previôt la ricostituzion de Comunitât de Mont dal Cjars


Stant che la Comunitât de Mont nomenade e jere stade soprimude cun normative regjonâl vie pe legjislature di prin in virtût de volontât di tornâ a dissegnâ i perimetris de teritori di mont reâl de regjon, che e previôt tra l'altri la division de mont in fassis A, B e C a seconde dal nivel di margjinalitât economiche e sociâl

Cjapât at des declarazions di stampe sedi dal assessôr regjonâl pe Mont sedi di esponents dal PdCI, che par lôr la ricostituzion de Comunitât de Mont dal Cjars e rapresente di fat une rispueste ai impegns eletorâi di Intesa Democratica, indreçade a dâ une forme di auto guvier ae minorance slovene (domande par altri legjitime), ma che di fat pôc o nuie e centre cui problemis reâi de Mont dal F-VJ


Stant ancje che lis Comunitât de Mont a rapresentin une realtât istituzionâl che a mertaressin almancul un dibatiment, viodûts i risultâts scjars che a àn vût tai ultins agns dal pont di viste aministratîf,


cun di plui considerât come che la istituzion di une gnove Comunitât de Mont e contrasti cu lis esigjencis di semplificazion, di eficacie, di eficience e di economicitât de azion aministrative a pet di une ategjament just de opinion publiche particolarmentri sevêr tai confronts des strassariis e de soreposizions aministrativis e istituzionâls che ancje te nestre Regjon a son evindentis fint masse,


considerât in conclusion che la istituzion di une gnove comunitât de mont, che di mont e à avonde pôc, si scuintre cuntune serie e coret politiche di programazion dai intervents in mont, che a varessin invezit di jessi concentrâts tai teritoris plui margjinâi de mont dal F-VJ

dut chest premetût il Consei Comunâl di Maian

al invide il Consei Regjonâl a sospendi cualsisedi iniziative indreçade a istituî une altre comunitât de mont e l'assessôr regjonâl pe Mont, e ancje i conseîrs regjonâi elets in teritori di mont, a fâsi interprete de tutele dai interès de Mont furlane che e à dibisugne di concentrâ lis risorsis publichis destinadis a investiments e disvilup tes areis che a àn plui dibisugne di sostegn e no invezit a viodilis dispierdudis ancje in realtâts gjeografichis e morfologjichis no coerentis cu la situazion reâl di degrât de Mont dal F-VJ.

thermonuke ha detto...

uuh...il prin capitul de "La Casta"...

vino di intindi che tu ses stat censurat?


Pe me domande chi parsore satu alc?
o ancje che....

bunbun ha detto...

Scusa la domanda, che non c'entra niente con il discorso, ma il sito di Intesa per Majano ho problemi a vederlo io o è ancora fermo da settembre?
Tanto fumo e niente arrosto....