03 luglio 2007

Presentazion in Universitât

Isal eficaç il lengaç publicitari par promovi la lenghe furlane? Trop isal impuartant investî te promozion de lenghe? Il furlan isal daûr a scomparî parcè che leât a strent dome al mont dal passât e de tradizion o isal une lenghe che e pues esprimi cualsisei concet? E ancjemò… il furlan isal eficaç te publicitât? Aial di jessi promovût cu lis gnovis tecnologjiis? Rapresential une oportunitât lavorative? Isal just insegnâlu ai fruts?…"
Par rispuindi a chestis domandis e cjapâ sù lis prospetivis pussibilis, cun cheste iniziative si è sielzût di da vôs ae int.
Il progjet de campagne di comunicazion F=MC2 Furlan = Mieç di comunicazion al cuadrât, inmaneât dal Cirf de Universitât dal Friûl, al à ufiert la oportunitât di indagâ fra i spetatôrs dai cines de regjon, no dome il gradiment pe campagne promozionâl ma ancje i aspiets de percezion personâl de lenghe furlane, dal so ûs e de sô promozion ufrint indaûr une realtât interessante e vivarose, buine di vierzi, massime ai esperts, prospetivis gnovis di progjetazion.
Apontament in sale Florio a Udin ai 10 di Lui aes 11.00.

3 commenti:

thermonuke ha detto...

In furlan:
el sintiment e le (pre)vision di une lenghe, in furlan tal judizi e tal sintiment (o sinti) de int.

El impegno, (o le iniziative) par puarta indenant une lenghe.

Eco se o tabajavi cussi a me non o vevi une cjacarade EFICAç!

La promozion prospetive dal opinion te campagne disensibilaizzazion mi somee Aldo Giovanni e Giacomo: mi prenda una cadreg....

Christian Romanini ha detto...

thermo, lis propuestis che tu fasis a son buinis, ma ten presint che no je mai une perfezion: lis soluzions a puedin jessi, anzit, a son simpri plui di une.

thermonuke ha detto...

eco un esempli di doi muts di di le stese robe

mi corec el post di prim o volevi scrivi: Eco se o tabajavi cussi a me nono vevi une cjacarade EFICAç!