12 settembre 2006

A scuele di furlan

A continuin lis lezions par imparâ a lei e scrivi par furlan. Lait a viodi il prin coment e se o podês lait a lei il test de grafie uficiâl: fracait achì

3 commenti:

Christian Romanini ha detto...

Ûs di ci, ce, ça, ço, çu, ç e zi, ze, za, zo, zu (sorts)
Il sun dal C dolç (che i studiâts a clamin africât palatâl sort: il sun des peraulis talianis cinema, cena, lancia, lancio, ciurma) si lu scrîf par furlan «c» denant di i, e e «ç» denant di a, o, u o in fin di peraule:
1. cine, cise, cene, place, çavate, plaçâl, çoc, çuc, piçul, provincie, societât.
2. bêçs, peç, leç, laç, braç, glaç, baraç, palaç, poç, sangloç, spiç, vidiç, riç.
Il sun dentâl sort (il sun des peraulis talianis lezione, pazienza) si lu scrîf par furlan «z» in cuarp di peraule o par peraulis forestis:
3. lezion (dal lat. LECTIONEM), stazion (dal lat. STATIONEM), esercizi (dal lat. ESERCITIUM), vizi (dal lat. VITIUM); Svuizare, zucar, gulizion, spazi, graziis, pazient.
Lis peraulis che a finissin in -ance, -ence, -ince, -once, -unce a mantegnin il c:
4. bondance, impuartance, pazience, riverence, pinitince, presince.

thermonuke ha detto...

ancje frice...

Renzo Tondo ha detto...

Mandi Christian, ti rimandi al gno blog par un paar di comments su la situazione politiche e su la cene das categories economiches a Friuli Doc (interessant il comment di Thermonuke.... interessant soredùt pa l'argoment!)